哈兰德这一举动可见前途无量
2022-09-19 18:09:51
夏兰特（Erling Haaland），呢位有射术、有爆发力嘅曼城前锋。可能系当今世上最令后卫头痛嘅球员，今时今日嘅佢炙手可热，佢绝对有本钱耍大牌、摆球星款，但呢位22岁嘅年轻人不但无因为自己爆红而嚣张跋扈，仍然谦逊有礼。
当工作人员在训练后收返训练服嘅时候，几乎所有曼城球员都系咁将件衫放落地留俾工作人员执。有啲甚至将件衫随手一抛，掟到工作人员嘅面上，唯独夏兰特系亲手将件衫交俾工作人员手上，随后亦得到工作人员拍背表示赞赏。
22岁嘅夏兰特虽然已贵为一线球星，但仍然好似仲拥有一颗赤子之心，过往嘅采访都显得非常腼腆，而且十分坦率直接。佢嘅呢种性格同佢嘅球风非常相似，场上嘅夏兰特简单、直接，甚至有啲粗暴，对上一场欧冠比赛嘅赛后访问，佢就提过，自己嘅梦想就系一场波触球5次，取得5个入波，可见佢十分了解和认同自己嘅踢法同优点。
夏兰特今季仍然入球停不了，欧冠嘅神奇入波更加奠定咗佢顶级前锋嘅地位。呢种只有伊巴谦莫域（Zlatan Ibrahimovic），或者云巴士顿（Marco van Basten）级数球员先做到嘅入波，依家喺呢位22岁球星身上见到，足见佢前途必定无可限量！
