曼联想用C罗换“新魔兽”，拿坡里教练默认！
2022-08-30 17:50:43
曼联与意甲嘅拿坡里正在酝酿一单惊人交易。据闻，曼联希望送出C.朗拿（Cristiano Ronaldo），换取心仪已久。有「新魔兽」之称嘅拿坡里前锋奥斯文（Victor Osimhen）。
据天空体育报导，C朗嘅经理人文迪斯（Mendes）频频游说拿玻里，收购呢位五届金球奖得主，而拿坡里就将奥斯文送到曼联。今日，拿坡里主教练史巴列堤就间接承认呢个传闻，但佢话呢个唔系一个单换方案，而系两个独立嘅交易。
报道亦称，拿坡里正在为奥斯文寻找价值1.2亿欧元嘅合约，如果C朗以租借形式加入拿坡里，佢哋希望曼联可以支付呢位葡萄牙球星80%嘅巨额工资。不过，曼联将如何负担得起呢笔钱系个大问题。尤其是当佢哋又正在准备另一份大报价，目标系阿积士嘅翼锋安东尼（Antony）。
除咗拿坡里，据意大利记者 Gianluca Di Marzio 报道，文迪斯亦有搵AC米兰，并提议将拉斐尔·利亚奥（Rafael Leao）送到曼联，以获得C朗，不过据说圣西路已经拒绝咗呢个建议。
C朗今夏已经想离开奥脱福，虽然红魔主帅坦赫重申想留低C朗，但以佢呢两场嘅调动，C朗离队似乎只系时间嘅问题。
